تعرضت شروق أشرف شقيقة نيرة أشرف للتهديد بالقتل من قبل أحد الأشخاص، بإرسال رسائل على هاتف والدها، تفيد بإنهاء حياتها أسوة بشقيقتها نيرة أشرف، التي قتلت على يد المتهم محمد عادل ونفذ فيه حكم الإعدام يونيو الماضي، وجاءت أقوال شروق أشرف المجني عليها كالآتي:
إسمي شروق اشرف شقيقة نيرة أشرف ومهنتي صانعة محتوى على مواقع التواصل الاجتماعي، وهو الموضوع إن أنا عاملة صفحة عامة على الفيس بوك، وكمان عاملة أكونت على التيك توك وعندي متابعين كثير جدا، وأني بطلع فيديوهات وبنزل بوستات باستمرار لأني أخت المرحومة نيرة أشرف عشان كدة في ناس كثير جدا متابعين، وفجأة أنا دخل لي على الشات يقول لي انه بيحبني وعايز يتجوزني وعايزني اتصل عليه ولقيت أكونت دخللي على التيك توك وعاوزني أكلمه، وهددني إنه لو متجوزنيش هيقتلني ويدبحني زي ما حصل لأختي نيرة، بس أنا على التيك توك بردو وقال لي نفس الكلام وأنا مردتش عليه.
وأضافت شقيقة نيرة أشرف في التحقيقات: بعد كدة لقيته بيدخل لي من أكونت تاني اسمه بردو Abo Ali ومردتش عليه، وبعد كدة لقيته دخلي على الفيسبوك بيبعت لي على الصفحة بتاعتي من أكونت بيحاول يخليني أتكلم معاه فأنا حسيت بالخطر على نفسي لأن ده نفس اللي حصل النيرة أختي فرحت قسم الهرم ووريتهم الشات ده عملت محضر.
وجاء في أقوالها: الكلام ده يوم ۲۰۲۳/۱۲/۱۱ ويوم ۲۰۲۳/۱۲/۱۲ بس مش فاكرة امتى بالضبط، وهو بعتلي رسائل على فيسبوك وتيك توك، وهو دخل لي من كذا اكونت فهو دخل كلمني من اكونت وكان بيبعتلي يهددني، إنه هيقتلني ويدبحني، وكان بيقول إنه عايزني أتجوزه وإلا هيقتلني.
قدمت شروق أشرف شقيقة نيرة أشرف المجني عليها صورا ضوئية لمحادثات بينها وبين الحسابات مرتكبة الواقعة تتضمن رسائل تشمل عبارات تهديد لها بالقتل والذبح في حالة عدم زواجها منه وتطلب منها التواصل معه، وتم إرفاقها بالتحقيقات.