هاله عثمان
تحدثت الفنانة حورية فرغلي في فيديو نشرته على صفحتها الرسمية بموقع الصور الشهير إنستجرام تحدثت فيه عن معاناتها مع الوحدة.
وتابعت: “إيه اللي الناس بتحسدني عليه أنا قاعدة لوحدي، وعندي كلب، ومعنديش صحاب، وتليفوني مبيرنش، بقرأ طول الوقت عالآيباد، وبنزل ألف التراك كل يوم، مبعملش أي حاجة ف حياتي، مامي بتجيلي بتزورني، وبروحلها أزورها، بروح لبابي، أخويا كنت قاعدة معاه في السليمانية، بس هو طيار أصلًا دايما مش موجود ومسافر”.
وأضافت حورية فرغلي: “أنا مش عارفة الناس بتحسدني على إيه، أنا واحدة عندي 46 سنة ونفسي أتجوز ويكون عندي عيلة ونفسي معيشش لوحدي، وده محصلش لغاية دلوقتي، فأنا مش عارفة هما حاسدني على إيه بالظبط”.