شن رواد مواقع التواصل الاجتماعي هجوم شديد على الفنان بيومي فؤاد بعد ما قاله خلال ختام مسرحية زواج اصطناعي التي قدمها في موسم الرياض بالسعودية، واعتبر الجمهور أن بيومي هاجم زميله الفنان محمد سلام خلال الفيديو الذي انتشر، ووصفوا ما قاله وبكائه بأنه “أداء تمثيلي مبتذل”.
كما قام الكثير من متابعي بيومي على السوشيال ميديا بإلغاء المتابعة له معتبرينه ضحى بصديقه الذي اتخذ موقف بطولي في وجهة نظرهم، وقام بيومي فؤاد بغلق التعليقات على صفحته بموقع التواصل الاجتماعي فيس بوك بعد تعرضه لهجوم لاذع.
حديث بيومي فؤاد في السعودية
عبر الفنان بيومي فؤاد عن حزنه الشديد بعد الانتقادات الكثيرة التي تعرض لها أبطال مسرحية زواج اصطناعي بعد اعتذار الفنان محمد سلام عن تقديم العمل.
وتحدث بيومي فؤاد مع جمهوره بعد انتهاء عرض مسرحية زواج اصطناعي في موسم الرياض بالسعودية، إذ قال باكيًا: “أنا وكل زملائي بنحبكم وهنفضل طول عمرنا نحترمكم، كتر خيركم إحنا بنتعب وبنقدم فن مش عشان نيجي نضحك، ولو الموضوع كدة يبقى فيه فنانين من أيام نجيب الريحاني لغاية محمد أنور المفروض ينتحروا، تحياتي لحضراتكم، وأنا آسف”.
وتابع بيومي فؤاد: “إحنا اتظلمنا واتهنا وإحنا جايين نقدم فن، اقسم بالله احنا مش بتوع فلوس، ووالله العظيم لو العرض ده اتعمل بدون أجر لمدة 15 يوم كمان هيبقى لينا شرف وفرحانين جدًا، وسيادة المستشار يعلم ده”.
وأضاف: “جيت المملكة العربية السعودية وليا الشرف عشان نقدم فننا مش جايين نضحك، واحنا نحترمكم شيء عظيم إن الفنان يبقى له جمهور في كل الدول شيء عظيم إني اتصور مع شاب سعودي أو سيدة سعودية، أنا بشرف بلدي من حقك تعتذر عن المسرحية لكن مش من حقك تغلط في فنك”.
تعليق كاملة أبو ذكري على حديث بيومي فؤاد
وجهت المخرجة كاملة أبو ذكري، عبر حسابها الشخصي على موقع التواصل الاجتماعي «الفيسبوك»، رسالة للفنان بيومي فؤاد عقب حديثه بعد عرض مسرحية «زواج اصطناعي» ضمن موسم الرياض بالمملكة العربية السعودية مؤخرا.
وذكرت في منشورها قائلة: “الأستاذ الفنان اللي كنت واحدة من محبيه.. لو حضرتك فاكر انك لما تعمل عمل اتحضر واتكتب واتنفذ في تلات أيام.. وتروح تعرضه وترقص وتغني وتضحك وبعد كده تاخد آلاف الدولارات.. لو ده بتسميه فن فأنا لا يشرفني إني أكون زميلة لك في هذه المهنة”.
وتابعت: “لما تكون بتعرض التفاهات دي ده لا يشرف الفن المصري.. ولما تعرض التفاهة دي وجارك بيدبحوا أطفاله ونساءه ورجاله وتقولي الفن يبقى معنديش كلام أقدر أقوله غير إن الإحساس والفن نعمة أنتم آخر ناس تتكلموا عنها”.
وفاء مكي تنتفد بيومي فؤاد
كتبت الفنانة وفاء مكي عبر منشور على موقع التواصل الإجتماعي فيس بوك جاء فيه: “انت عارف انت زعلت كام مليون يا معلم بالكلمتين الخايبين دول والفراعنه زعلهم وحش قوى دى ناس بطلت تاكل وتشرب حاجات بتجبها بقالها سنين فى ثانيه رهانك خسران ومكسبك دلوقتى خساره كبيره فى الجاى”.
وتابعت: “برغم إن المثل مصرى… انا واخويا على ابن عمى..وانا وابن عمى على الغريب إلا للاسف احنا تحديدا مع الغريب على اخويا وابن عمى المواقف كاشفه والمكسب مؤقت”.
انتقاد عبد الحيم كمال لـ بيومي فؤاد
وانتقد المؤلف عبد الرحيم كمال ما فعله بيومي فؤاد، حيث كتب: “خسارة والله هو لو في اخر العرض عيط للجمهور وقالهم يا جماعة احنا بنحب الفلوس وجينا عشان الفلوس ومستعدين نقعد ١٥ يوم تاني لو زودوا الفلوس كان الجمهور هناك صقف وضحك وصدق والجمهور هنا ضحك وصدق لكن إنك تقفل العرض الكوميدي بمشهد تراجيدي ده يبقى خيانة لنوع الدراما اللي انت بتقدمها وده مش صح مهنيا”.
اعتذار محمد سلام عن المشاركة في موسم الرياض
وكان الفنان محمد سلام إعتذر عن المشاركة في مسرحية زواج اصطناعي، والتي تم عرضها ضمن فعاليات موسم الرياض بالمملكة العربية السعودية يوم 30 أكتوبر الماضي، وقرر سلام عدم المشاركة تضامنًا مع الشعب الفلسطيني والقصف المستمر من قبل الاحتلال الإسرائيلي.
وقال محمد سلام في فيديو نشره على حسابه الشخصى بموقع التواصل الاجتماعي فيس بوك إنه كان لديه أمل لأن يتم تأجيل أو إلغاء موسم الرياض، أو حتى أن تهدء الأوضاع الصعبة التي يشهدها قطاع غزة، ولكن هذا لم يحدث، قائلًا: “إزاى هروح أعرض والناس بيحصل فيها كدة في فلسطين ولو عملت كدة هكون خذلتهم”.
وتابع: “المفروض إنها مسرحية كوميدية وفيها أغاني واستعراضات، هنعرض في وسط الأحداث اللي بتحصل في غزة فأنا مش متخيل إني هروح أعمل مسرحية واهزر وارقص واخواتنا في فلسطين عمالين يتقتلوا ويدبحوا ومفيش حاجة بتحصلهم”.
واستكمل: “أنا مش هقدر أسافر وليه بقول الكلام ده في آخر لحظة والمفروض إني أسافر بكره لأني كنت على أمل أن الموسم يتلغي أو يتأجل زي مهرجانات الجونة والقاهرة أو الموضوع يهدى في فلسطين، ونقدر نعرض لكن مفيش حاجة بتحصل لحد دلوقتي في ناس عمالة تموت ومفيش حاجة بتحصل، فأنا ازاي أروح اعرض وناس بتموت في فلسطين، حاسس لو أنا عملت كده هبقى كأني زي اللي بقتلهم بالظبط، هبقى خذلتهم وهبقى بغني وارقص، فأنا بعتذر عن المشاركة في موسم الرياض واللي بيحصل في فلسطين قضية كل مسلم، وواجب على كل مسلم، فأنا مش في إيدي حاجة أقدر أقدمها، فلما نموت وربنا يسألنا عملت إيه لأخوك في فلسطين أنا هرد أقول إيه هقول في وقت الأحداث في فلسطين أنا كنت بعمل مسرحية كوميدية وبرقص وأغني فأنا مش هقدر أعمل كده”.
